IShID terroristik tashkiloti Suriyaning Manbij shahrida 20 iyun kuni Suriyaning demokratik kuchlari (SDF)ga qarshi hujumga o‘tgan edi. Bu bilan terrorchilar shahar atrofida joylashgan uch qishloqni qayta bosib oldilar. Qishloqlar uchun bo‘lgan janglar oqibatida AQSh qo‘llab-quvvatlayotgan SDF’ning 28 nafar jangchisi halok bo‘ldi. Bu haqda “Dailysabah” xabar bermoqda.
SDF vakilining so‘zlariga ko‘ra, ular Manbijni terrorchilardan qaytarib olishga harakat qilmoqda, ammo butun shahar minalashtirib chiqilgan. Shaharni ozod etish operatsiyasi 20 kun oldin boshlangan bo‘lsada, ichkariga kirishning iloji bo‘lmayapti.
Ma’lumot o‘rnida, Manbij shahri Aleppo viloyatida joylashgan. Mazkur shahar 2012 yil 20 iyulda Suriya hukumatiga qarshi kuchlar qo‘liga o‘tdi. 2014 yilning yanvar oyida IShID Manbijni bosib oldi. Joriy yilning 8 iyunida SDF kuchlari shaharni qurshab oldilar.
Tabib-soundtreck (koreya)
IShID Suriyada uchta qishloqni bosib oldi 
