Rossiyada koronavirusning yangi turi bilan og‘rigan birinchi ikkita bemor — Zabaykale va Tyumen o‘lkalarida qayd etildi. Bu haqda Rossiya Federatsiyasi bosh vazirining o‘rinbosari Tatyana Golikova ma’lum qildi.

Uning so‘zlariga ko‘ra, kasallanganlar — Xitoy fuqarolari.

Yaqinda Rossiyada hali hech kim koronavirusni yuqtirmagani haqida xabar berilgan edi.

Golikovaning ta’kidlashicha, Rossiya koronavirus tufayli Mo‘g‘uliston chegarasidan o‘tishni cheklaydi va Rossiya fuqarolarini Xitoyning Uxan shahri va Xubey provinsiyasidan evakuatsiya qilishni boshlaydi. Xaynan orolida joylashgan Rossiya fuqarolari 4 fevralgacha o‘z vatanlariga qaytariladi.