Krishtianu 1985-yilning aynan 5-fevral kuni Portugaliyaning Funshale shaharchasida dunyoga kelgan. 2009-yilda "MYU"ni "Real"ga almashtirgan futbolchi shu kungacha 372 uchrashuvda 385 ta! gol kiritishga erishgan. Bu natija bilan u klub tarixidagi (shuningdek terma jamoasida ham) eng yaxshi to'purar hisoblanadi.
Madriddagi o'zining 8-mavsumini o'tkazayotgan zamonamizning ayni damdagi eng yaxshi futbolchisi CR7 "Qirollik klubi" safida 2 marotabadan Chempionlar ligasi, Yevropa superkubogi va klublar o'rtasidagi Jaxon chempionati, Ispaniya kubogi, shuningdek bir marotabadan Ispaniya chempionati va superkubogini qo'lga kiritgan. Bundan tashqari terma jamoasi bilan 2016-yil Yevropa kubogini ham boshi uzra ko'tarishga muvaffaq bo'lgan.
Ronalduning shaxsiy sovrinlari qatorida 4 ta "Oltin to'p" va yana shuncha "Oltin butsa", FIFA tomonida "yilning eng yaxshi futbolchisi"ga beriladigan "Brilliant to'p" va "The Best" sovrinlari, shuningdek UEFA tomonidan taqdim etiladigan "Yevropaning eng yaxshi futbolchisi"ga atalgan sovrinlar mavjud.
Фото Futbol Olami.
Krishtianu Ronaldu 32 yoshga to'ldi 
