Lisenziyasiz faoliyat yuritgan san’atkorlar jarimaga tortildi
“O‘zbeknavo” estrada birlashmasi, Davlat soliq qo‘mitasi hamda huquq-tartibot organlari xodimlari ishtirokida joylarda maxsus ruxsatnoma (lisenziya)siz faoliyat yuritayotgan xonanda, sozanda, boshlovchi va raqqosalar ustidan nazorat tadbirlari o‘tkazib kelinmoqla.
O‘zbekiston Respublikasi Davlat soliq qo‘mitasi Matbuot xizmatining xabar berishicha, Samarqand shahar davlat soliq inspeksiyasi xodimlari tomonidan shahardagi “Bog‘ibaland” to‘yxonasida o‘tkazilgan nazorat tadbirida fuqaro Nodir Alimov, Nigora Yakubova, Zarnigor Babayarova maxsus ruxsatnoma olmasdan sozandalik va raqqosalik faoliyati bilan shug‘allanayotgani aniqlanib, belgilangan tartibda hujjatlar rasmiylashtirildi.
Mazkur holat yuzasidan Samarqand shahar prokuraturasi tomonidan O‘zbekiston Respublikasi Jinoyat kodeksining 190-moddasi 2-qismi “b” bandi bilan jinoyat ishi qo‘zg‘atilgan.
Jinoyat ishlari bo‘yicha Samarqand shahar sudining 2015 yil 4 noyabrdagi hukmi bilan N.Alimovga O‘zbekiston Respublikasi Jinoyat kodeksining 190-moddasi 2-qismi “b” bandi bilan eng kam oylik ish haqining 30 baravari miqdorida, N.Yakubova va Z.Babayarovaga esa Jinoyat kodeksining 190-moddasi 2-qismi “b” bandi bilan ularning har biriga nisbatan eng kam oylik ish haqining 20 baravari miqdorida jarima jazosi tayinlangan.
Sevgi Iztirobi - Anlatamam
Lisenziyasiz faoliyat yuritgan san’atkorlar jarimaga tortildi 
