Lola “milliy mentalitetga zid” liboslarni boshqa kiymaslikka va’da berdi
“O‘zbeknavo” estrada birlashmasi xonanda Lola (Yo‘ldosheva)ning “milliy mentaliletimizga zid” libosda konsertda chiqish qilgani yuzasidan Facebook foydalanuvchilari yo‘llagan shikoyat xatini ko‘rib chiqdi, deb xabar beradi “Kun.uz”.
Avvalroq, xonanda Lola Rayhon G‘aniyevaning konsertida kiyib chiqqan libosi ijtimoiy tarmoqlarda faol muhokamalarga sabab bo‘lgan, bir guruh foydalanuvchilar uni qo‘llagan bo‘lsa, boshqalar uni tanqid qilib chiqqandi.
“Ushbu holat yuzasidan xonanda Lola Yo‘ldosheva ‘O‘zbeknavo’ estrada birlashmasiga taklif etilib, Rayhon G‘aniyeva konsertida kiyib chiqqan libosi milliy mentalitetimizga zidligi haqida san’atkorga tushuntirildi va undan tushuntirish xati olindi”, – deyiladi “O‘zbeknavo” javobida.
Tashkilotning javobida qo‘shimcha qilinishicha, Lola “kelgusida bunday holatlar qaytarilmasligiga va’da bergan”.
“Kelgusida bunday holatlarning oldini olish maqsadida barcha xonandalar konsert o‘tkazishdan avval maxsus ekspert guruhi vakillari tomonidan jiddiy ogohlantirilib, sahnaga chiqadigan har bir ishtirokchining libosi-yu, o‘zini tutishigacha muhokama etilib boriladi”, – deyiladi “O‘zbeknavo”ning javobida.
maladec!endi uzbeknavoda adolat onlari,maladec!yangi rahbar eplayapti maladec! Lolaning u kiyimi mentalitetimizga mutlaqo ZID! UNI KIYISHGA LO'LANING BETI QANDAY CHIDADIYKIN! Harqalay özbeksanku LÖLAPEPE? Özbek bölmasen umuman özbekchada ijod qilma! Özbek tilida ijod qivossanmi,deme özbekchilikka xos va mos "qiliq" chiqargin.
Lola “milliy mentalitetga zid” liboslarni boshqa kiymaslikka va’da berdi 
