Lola “Sog‘Indim” klipidagi Sirli Qahramon kimligini oshkor qildi
Xonanda Lola o‘zining Instagram ijtimoiy tarmog‘idagi shaxsiy sahifasiga “Sog‘indim” qo‘shig‘iga klip suratga olish ishlari boshlanganini ma’lum qilib, surat joyladi.
Suratlarda xonandaning partneri, ya’ni bosh qahramonni gavdalantirgan aktyorning yuzi ko‘rinmagan edi. Xonandaning muxlislari bosh qahramonni kim ijro etayotganini taxmin qilib, Lolani savollarga ko‘mib tashladi. U esa ma’lum muddat bu sirni oshkor etishni istamadi. Vanihoyat xonanda klipdagi sirli qahramon aktyor Yigitali Mamajonov ekanligini bildirdi. “2012 yilda u mening ‘Jonim sog‘indim’ klipimda ilk bora suratga tushgandi. Va bir zumda eng talabgir aktyorlardan biriga aylandi. Chunki u iqtidorli. U Yigitali Mamajonov! Bugun oradan 4 yil o‘tib, biz yana o‘sha muhabbat,ehtiros,rashk va umidsizlik tarixi haqidagi klipning davomini ijro etish uchun suratga olish maydonchasida uchrashdik”,—deydi Lola.
Ma’lumot uchun, Lolaning yangi klipini klipmeyker Sanjar Matkarimov suratga olmoqda.
Qirolicha - Soundtreck (Bidam Love)
Lola “Sog‘Indim” klipidagi Sirli Qahramon kimligini oshkor qildi 
