Manzura yoqimli xotiralarni yodga soluvchi qo‘shiqni taqdim etdi
Bir necha yillik faoliyati davomida fevral oyida o‘zining ilk yakkaxon konsertini taqdim etgan Manzura ijodining rang-barangligi bilan doim ajralib turgan. Bugun ko‘plab muxlislarning sevimli xonandasiga aylangan Manzura ijrosidagi yangi qo‘shiq "O‘zbegim Taronasi" radiosi orqali taqdim etildi.
Aslida bir necha yillar avval yaratilgan va minglab san’at shinavandalarining yuragidan joy olgan bu qo‘shiq Manzura ijrosida yangicha talqinda jarang sochdi. "Janon bo‘laman" deya nom olgan tarona ko‘pchilikka yaxshi tanish. Bu taronaga zamonaviy va o‘zgacha yo‘nalishda yangicha turda mahoratli bastakor Ahmad Xojimatov musiqiy sayqal berdi.
Manzuraning ijrosi ila yanada jonli tarzda yangragan qo‘shiq FM 101.00 tinglovchilari uchun ha kutilmagan tuhfa bo‘ldi, desak adashmagan bo‘lamiz.
Milliy ruhdagi tarona ko‘plb muxlislarning ham olqishlariga sazovor bo‘la oldi. Ayni damda viloyatlar bo‘ylab gastrol safarini uyushtirayotgan xonanda uchun ham iliq va samimiy fikrlar g‘oyat qadrlidir. Katta hayajon ila ustoz san’atkorlar tomonidan kuylangan qo‘shiqni qayta ijro qilib, muxlislarga taqdim etgan Manzuraning ko‘ngli bir olam shodlikka to‘lgani aniq. Qo‘shiqni saytimiz orqali tinglab, bahramand bo‘lishingiz mumkin.
Ko'ngil bog'i-soundtreck [feat Girl]
Manzura yoqimli xotiralarni yodga soluvchi qo‘shiqni taqdim etdi 
