Olma-otada Lexus LX570 avtoulovini boshqarib borayotgan qiz yo‘l patrul xizmatidan qochib yo‘l yoqasidagi ariqqa qulagan. Baxtsiz hodisa 24 sentabr tongida Remizovka ko‘chasi Al-Farobiy prospektida yuz bergan. Avtoulovni boshqarib borayotgan qiz rulni hiyobon tomonga burgan. Voqeaga guvoh bo‘lganlarning aytishicha, yo‘l patrul xizmati xodimlari Lexus avtoulovini boshqarayotgan qizga mashinani darhol to‘xtatishni buyurgan, qiz esa to‘xtash o‘rniga tezlikni oshirib, qarama-qarshi yo‘l bo‘lagini ajratib turuvchi chiziqni kesib o‘tgan.
Katta tezlik bilan qarama-qarshi yo‘lakda harakatlanayotgan qiz yo‘l panjaralarning beshtasini buzib o‘tib, ulovni jilovlay olmay yo‘l chetidagi ariqqa borib urilgan. Voqea joyiga yo‘l patrul xizmati xodimlari yetib kelib, qizning avtoulovdan chiqib olishiga yordam berishgan. Guvohlarning so‘zlariga ko‘ra, qiz o‘ta mast holda bo‘lgan va yo‘l patrul xizmati xodimlaridan uni qo‘yib yuborishni ko‘zda yosh bilan iltimos qilgan. YTH natijasida haydovchi qizga hech qanday jarohat yetmagan bo‘lsada, yo‘l patrul xizmati xodimlari uni darhol tibbiy ko‘rikdan o‘tkazish uchun shifoxonaga olib ketishgan
Ko'ngil bog'i-soundtreck [feat Girl]
Mast holda mashina boshqargan ayol YTHga uchradi 
