Kuz havosi odamni uxlashga moyil qilib qo‘yadi. Lekin ba’zida kuni bilan mazza qilib uxlash haqida o‘ylaysiz, joyingizga yotishingiz bilan esa uyqungiz qochadi. Soatlab yotsangiz ham uyqungiz kelmaydi.
Quyidagi tavsiyalar esa tez va miriqib uxlashingiz uchun yordam beradi.
Tarkibida magniy moddasi bo‘lgan mahsulotlarni iste’mol qiling. Ilmiy tadqiqotlardan ma’lum bo‘lishicha, magniy moddasi tuni bilan tiniqib uxlashga yordam beradi. Qovoq urug‘i yoki ismaloqda bu modda ko‘p bo‘ladi.
Kunduzi 10-30 daqiqa mizg‘ib olish tungi uyquga ijobiy ta’sir ko‘rsatadi.
Yotog‘ingiz faqat uxlash va dam olishga mo‘ljallanganligini unutmang. Yotog‘ingizni ish joyi yoki ovqatlanadigan joyga aylantirmang.
Yotoqxona salqin bo‘lsin. Yaxshi uxlash uchun xonadagi harorat 15-20 daraja iliq bo‘lishi lozim.
Uxlashdan oldin issiq dush yoki vanna qabul qiling.
Har doim, dam olish kunlari ham bir xil vaqtda uyg‘onishga odatlaning. Ko‘pchiligimiz dam olish kunlari uzoq uxlagimiz keladi, lekin bu uyqu ritmining buzilishiga olib keladi.
Kech uyquga yotgan kunlaringiz o‘rnini to‘ldiring. Buning uchun uzoq uxlash shart emas, har kungidan bir soat ertaroq uyquga yoting.
Yarim soat bo‘lsa ham uxlolmay u yoqdan-bu yoqqa ag‘anab yotibsizmi? Qo‘shiq eshitgingiz yoki kitob o‘qigingiz kelyaptimi? Joyingizda o‘ylanib yotgandan ko‘ra kitob o‘qiganingiz yaxshi.
Turli xil gadjetlarni karavotingizdan uzoqroqqa qo‘ying.
Lavanda hidi. Lavanda tinch uxlashga yordam beradi.
Xonaga tushib turgan yoki gadjetlardan chiqayotgan yorug‘lik ham uyqusizlikka olib keladi.
Quyosh nuri. Ha, biz kuni bilan qabul qiladigan quyosh nuri ham uyqu jarayoniga ta’sir ko‘rsatadi. Agar kechasi yaxshi uxlay olmayotgan bo‘lsangiz, demak, kunduzi yetarli darajada quyosh nuri qabul qilmagan bo‘lishingiz mumkin.
Iliq sut ichish. Gap shundaki, sut tarkibida odamni tinchlantiradigan triptofan moddasi mavjud.
Miriqib uxlay desangiz... 
