Estradamizning betakror xonandalaridan biri Munisa Rizayevaning ijodida nima gap? Ayni damda qanday yangiliklar ustida ish olib bormoqda? Biz bu savollarga javob olish uchun xonandaning ma’muri Ibrohim Ahmedov bilan bog‘landik.
Ma’lum bo‘lishicha, ayni damda yangi videoklip ustida tayyorgarlik ishlari bilan band. Yaqindagina xalqimiz e’tiboriga havola etilgan va allaqachon muxlislarning sevimli taronasiga aylangan “Yurak” kompozisiyasi uchun yaratilishi rejalashtirilgan video asar Toshkent viloyatida joylashgan “So‘qoq” qishlog‘ida tasvirga olinadi. Videoklip Dilmurod Agzamov rejissyorligida suratga tushiriladi. Operator esa Izzat Lutfullaev. Uning mazkur klipdagi obrazi Hilola Sher bilan hamkorlikda yaratilmoqda. Klip syujet va trek janrida bo‘lishi ko‘zda tutilgan. Unda Munisa Rizayevani siz telba ayol obrazida ko‘rishingiz mumkin. Tez kunda ushbu klipni tasvirga olish jarayonidan fotoreportaj hamda yanada batafsil ma’luotlarni saytimiz orqali tomosha qilish imkoniga ega bo‘lasiz.
Kelin - Soundtreck (Hind serial)
Munisa Rizayevaning ijodida nima gap? 
