Taniqli aktrisa Muqaddas Sa'dullayeva bu gal instagram sahifasida butkul boshqacha qiyofada tushgan suratini joylashtirdi. Unda aktrisa islomiy zaifalarga xos ravishda juda yopiq kiyingan va boshiga hijobli ro'mol o'ragan holda gavdalangan. Bu kiyim unga juda yarashganini alohida e'tirof etish lozim. Biroq muxlislarga mazkur surat ham unchalik yoqib tushmadi. Nega yoqinqiramaganini Muqaddasning qoldirgan postidan ham bilib olish mumkin.

— Ba'zi bir san'atkorlar ochiq-sochiq kiyinsa, yosh avlodga namunasizlar, uyatmasmi shunday kiyinish, deyishadi. Mana bunday ko'rinishda bo'lib, model sifatida yaxshi dizaynerning yopiq kiyimlarini ayollarimizga targ'ib etsa, shuni ham gapirasizlar, bu kiyimlar o'yinchoqmas deb! Vo ajab, nima bo'lyapti insoniyatga?!