Odatda raqsbop taronalari ila ko‘plab muxlislarning qalbidan chuqur joy olgan Nilufar noodatiy yo‘nalishdagi qo‘shiqni taqdim etdi. "Hurram" nomini olgan taronaning premerasi borasidagi anons ijtimoiy tarmoqlar orqali tarqalganidayoq, bu ijod namunasiga bo‘lgan qiziqish avj olgandi.
Qo‘shiq esa ilk bora "O‘zbegim Taronasi" radiosi orqali jarang sochib, ko‘plab tinglovchilarga bahoriy kayfiyat bahsh etdi.
Sho‘x ohangdagi bu tarona raqsga chorlashi bilan muxlislarga ma’qul bo‘lib, tez orada xit darajasiga ko‘tarilsa, ajab emas. "Hurram" qo‘shig‘ining musiqasi va matni Eldor Qayumovga tegishli bo‘lib, aranjirovkasi Botir Aliev tomonidan tayyorlangan.
Zamonaviy musiqa va matn uyg‘unligi asosida yaratilgan bu qo‘shiq uchun videoklip ham suratga olingan. Mahoratli klipmeyker Timur Primqulov tomonidan tasvirga olingan video ham tarona kabi noodatiy yo‘nalishda bo‘lishi kutilmoqda.
Tez orada Nilufardan "Hurram" qo‘shig‘iga ishlangan videoklipini saytimiz orqali qarshi olasiz! Xozircha esa yangi va raqsbop taronadan bahra oling!
Yoz Ifori - Soundtreck
Nilufar barchani raqsga chorlamoqda! 
