Nilufar Usmonovadan sevishganlar uchun kutilmagan tuhfa tez kunda!
Estradamizning yorqin yulduzi, sho‘x va quvnoq xonanda Nilufar Usmonova qizg‘in ijod ummoniga sho‘ng‘idi. Bahor faslida ketma-ket yangiliklar, yangi ijod mahsullarini taqdim etishni va’da qilgan xonanda, va’daga muvofiq, ishga kirishib ketdi. Bahorning ilk kunlarida u kutilmagan obrazda fotosessiya yaratdi. Muxlislar katta qiziqish bildirayotgan va sabrsizlik bilan kutayotgan mazkur fotosuratlar tez kunda ommaga namoyish etiladi.
Bu hali hammasi emas. Nilufar Usmonovaning so‘zlariga qaraganda, tez kunda yangi “Sevishganlar” nomli qo‘shiqqa klipmeyker Jahongir Ibragimov bilan hamkorlikda videoklip tasvirga olinadi. Hozirda tayyorgarlik ishlari olib borilmoqda. Bu hali boshlanishi. Oldinda sizni bahoriy tuhfalar kutmoqda. Bizdan aslo yiroqlashmang va kuzatishda davom eting.
Nilufar Usmonovadan sevishganlar uchun kutilmagan tuhfa tez kunda! 
