Аввалги хабарларимизда  пойтахтимизда Россия эстрада юлдузи Нюшанинг  концерт дастури бўлиб ўтиши ҳақида хабар  берган эдик. Хонанда концертдан аввал shov-shuv.uz сайтига ўз фикрларини айтиб ўтди. 

Нюшанинг сўзларига кўра, ҳали россияликлар ҳам тингламаган, мутлақо янги тароналар ўзбек халқи учун илк бор ижро этилади.  Шунингдек, у концертга 20 га яқин ижодий гуруҳи билан ташриф буюриши ва 3-феврал куни кечадиган концертга кўрилаётган тайёргарлик жуда катта эканлигини айтиб ўтди.

"Art modern music” раҳбари Феруза Мурадованинг сўзларига кўра,  Нюша концертининг давомийлиги анъанага кўра 1 соату 30 дақиқа атрофида бўлади, аммо ўзбек мухлисларининг талаб ва истаклари, қолаверса, хонандага бўлган меҳр- муҳаббатни инобатга олиб, концертни 2 соат давомида ташкил этишга келишилган.

Эслатиб ўтамиз, концерт 3 феврал куни 18:00да   "Истиқлол” санъат саройида бўлиб ўтади.