O‘zbekiston milliy terma jamoasi 25- va 27-may kunlari Ummonga qarshi 2 ta o‘rtoqlik uchrashuvi o‘tkazadi. Har ikkala o‘yin ham Toshkentda bo‘lib o‘tadi. Shu kunlarda bu ma’lumot O‘FF tomonidan rasman tasdiqlanishi kutilmoqda, debyozadi "Championat.Asia”.

FIFA reytingida 81-o‘rinni egallab turgan Ummon terma jamoasi joriy yil hisobidan hozirgacha 3 ta o‘yin o‘tkazdi. 24- va 31-yanvar kunlari Iordaniya va Finlyandiya terma jamoalari bilan o‘rtoqlik uchrashuvida durang (0:0) o‘ynagan Pol le Guen shogirdlari 5-mart kuni Osiyo Kubogi—2015 saralash o‘yinida Singapurni 3:1 hisobida mag‘lub etdi.