Milliy matbuot markazida “O‘zbeknavo” estrada birlashmasi tomonidan tashkil etilgan matbuot anjumanida birlashma Bosh direktori o‘rinbosari Murodjon Majidov joriy yilning avgust oyida 40 nafar xonanda uchun ma’naviyat darslari tashkil etilishi haqida ma’lum qildi. Bu haqda “Qalampir.uz” xabar bermoqda.
“Bundan oldingi darslarga aql-hushi joyida san’atkorlarni jalb qilganimiz yaxshi bo‘ldi. Boisi keyingi darslarni tashkil etish borasida ulardan ancha fikrlar oldik. Ma’naviyat soatlarini to‘xtatib qo‘ygan edik. Bugun bunga ehtiyoj ortib borayotganini his qilgan holda yana ma’naviyat darslarini davom ettirmoqchimiz. Chunki bugungi ayrim xonandalar kitob, gazeta o‘qimaydi, TV ko‘rmaydi. Dunyoda kechayotgan voqealardan xabardor emas. Bunday ijrochilarni esa o‘qitish kerak”, — dedi Majidov.
“O‘zbeknavo” bundan avvalgi malaka oshirish kurslarida Farrux Ahmedov, Umar Shamsiyev, Tohir Usmonov, Botir Yaminov, Yagona, Amira Alibekova, Ruhshona kabi estrada namoyandalarini “qayta tarbiyalagan” edi, eslatib o‘tadi “Qalampir.uz”.
Ko'sem: Sulton Usmon o'limidagi she'ri + music
“O‘zbeknavo” 40 xonandani “qayta tarbiyalaydi” 
