Pelening 100 yoshli onasi o‘g‘lining o‘limi haqida hali hech narsa bilmaydi
Afsonaviy braziliyalik futbolchi Pelening onasi Selest Arantes o‘g‘lining o‘limi haqida hozircha bilmaydi. Pele saraton kasalligi bilan uzoq davom etgan kurashdan so‘ng 29 dekabr kuni 82 yoshida vafot etdi.
“U Pelening vafoti haqida bilmaydi. U o‘z dunyosida. Har safar Pelening ismini tilga olsam, uning haqiga duo qilishimiz kerak desam, ko‘zlarini ochadi. Ammo, aslida, onam aniq nimani nazarda tutayotganimni tushunmaydi”, deydi Pelening singlisi Mariya Lusiya do Nasimento.
Ma’lumot uchun, joriy yilning noyabr oyida Selest Arantes 100 yoshni qarshi oldi.
Pele ertaga, 2 yanvar kuni dafn etilishi kutilmoqda. Uning tobuti ortilgan kortej onasining uyi yonidan o‘tadi.