Fransiyaning PSJ klubi yozgi transferlar oynasi vaqtida Neymarni sotmoqchi bo‘lgani ma‘lum bo‘ldi.

“El País” nashri xabariga koʻra, Parij klubi rahbariyati Kilian Mbappe bilan yangi shartnoma masalasida kelishuvga erishgach, aynan fransiyalik hujumchining soʻroviga koʻra 30 yoshli braziliyalik forvardni transferga qoʻyishga rozi boʻlgan. 

Qayd etilishicha, Neymarga “Chelsi” va “Nyukasl”dan taklif boʻlgan. Braziliyalik hujumchining oʻzi “Chelsi”ga oʻtishga rozi boʻlgan, ammo muzokaralar muvaffaqiyatli yakunlanmagan va u Parijda qolgan.

Maʼlumot uchun, Neymar joriy mavsum Fransiya chempionatida 11 oʻyinda 9 ta gol va 7 ta assistga mualliflik qilgan.