Putin: Ukrainaning hozirgi hukumati ko‘p xatolar qilmoqda
Rossiya prezidenti Vladimir Putin to‘g‘ridan-to‘g‘ri efir chog‘ida Ukrainaning hozirgi hukumati ko‘p xatolar qilayotganini aytib o‘tdi.
Bugun Rossiya rahbari “Rossiya-1” telekanali orqali to‘g‘ridan-to‘g‘ri efirda rossiyaliklar bilan muloqot olib bormoqda. Ukraina prezidenti Pyotr Poroshenko haqida berilgan savolga javoban Putin rasmiy Kiev ko‘p xatolar qilayotganini ta’kidladi.
“Ukrainaning bugungi hukumati ko‘p xatolar qilmoqda, bu harakatlarning natijasi ham salbiy bo‘ladi… Mamlakatdagi vaziyatni barqarorlashtirish uchun tinchlik yo‘lidan borish zarur. Ammo ular kelishuvga erishish o‘rniga urush yo‘lidan bordi. Shunday bo‘lsa-da, biz Minsk kelishuvlarining amalga oshirilishini kutmoqdamiz”, – degan Rossiya yetakchisi.
To‘g‘ridan-to‘g‘ri efir davom etmoqda.
Putin: Ukrainaning hozirgi hukumati ko‘p xatolar qilmoqda 
