Меню
Поиск
Фотоалбом
Главная » Файлы » DUNYO va JAXON XABARLARI

Putin 5 martdan beri birinchi marta ommaga ko‘rinish berdi

16 mart kuni Rossiya prezidenti Vladimir Putin 6 martdan beri birinchi marta ommaga ko‘rinish berdi. U Qirg‘iziston prezidenti Almazbek Atambaev bilan uchrashdi.
“Vladimir Putin nafaqat piyoda yuribdi, balki mashinani uchirib yuribdi”, deb guvohlik beradi Almazbek Atambaev.
Konstantinov saroyida (Putinning Sankt-Peterburgdagi qarorgohi) Vladimir Putin va Almazbek Atambaev o‘rtasida muzokaralar boshlandi. Uchrashuv oldidan Putin shaxsan o‘zi qirg‘izistonlik hamkasbiga Konstantinov saroyi bog‘i bo‘ylab aylantirgan.
Qirg‘iziston rahbari o‘zi haqida ham har xil mish-mishlar eshitganini, biroq odamning sog‘lig‘i haqidagi mish-mishlarni tarqatish yaxshi ish emasligini ta’kidlab o‘tdi.
Putin ham o‘z navbatida “Mish-mishlarsiz hayot zerikarli bo‘lardi”, deb kinoya bilan munosabat bildirgan.
Vladimir Putin 6 mart kunidan beri omma oldida ko‘rinish bermayotgan edi. Oxirgi marta u 5 mart kuni Italiya bosh vaziri Matteo Rensi bilan uchrashuv chog‘ida omma oldida ko‘rinish bergandi. Shundan keyin Putin faqat bir marta ommaviy ravishda uchrashuv o‘tkazgan: Kreml saytida chop etilgan va 8 mart sanasi qo‘yilgan xabarga ko‘ra, Putin farzandlari turli sohalarda katta yutuqlarga erishgan onalar bilan uchrashuv o‘tkazgan.
11 martda Reuters axborot agentligi Putin Qozog‘istonga 12-13 mart kunlari uyushtirishi kerak bo‘lgan safarini kasalligi tufayli bekor qilgani haqida xabar tarqatgan. Ostonada Putin, Nursulton Nazarboyev va Aleksandr Lukashenko o‘rtasida uchrashuv o‘tishi kerak edi. O‘sha kuniyoq Kreml Putinning kasalligi haqidagi mish-mishlarni inkor etdi. Putinning matbuot kotibi Dmitriy Peskov prezident o‘zini yaxshi his qilayotganini va Ostonadagi uchrashuv o‘zaro kelishuvga ko‘ra bir necha kun ortga surilgani haqida xabar bergan. 16 mart kuni Qozog‘iston prezidentining matbuot kotibi Davron Abaev Lukashenko, Nazarboyev va Putinning uchrashuvi 20 martda Ostonada bo‘lib o‘tishini e’lon qildi.
Manba:kun.uz


Категория: DUNYO va JAXON XABARLARI
Просмотров: 5695 | Рейтинг: 0| Рейтинг: Putin, Rossiya
Mavzuga Oid Boshqa Yangiliklar:
Реклама

Всего комментариев: 0
Элатма: Сайт ходимлари ўзларига ёқмаган изоҳларни фаоллаштирмаслик ва огоҳлантирмасдан ўчириш ҳуқуқига эга. Изоҳлар ҳақида тўлиқ маълумот мана бу манзилда (босинг)
Имя *:
Email:
Код *:

Профил

Время: 22:14
Добро Пожаловать, Mexmon

 
Логин:
Пароль:
Новинка у нас
Самое Популярное
Самое Популярное