Putin Rossiyaga kim do‘st, kim dushman ekanligini ma’lum qildi
Rossiya prezidenti Vladimir Putin fuqarolar bilan to‘g‘ridan-to‘g‘ri efir orqali muloqot chog‘ida Ikkinchi Jahon urushida ishtirok etgan Vitaliy Kolesovning savoliga javob berdi.
“SSSR Germaniya bilan deyarli yolg‘iz kurashdi, negaki ikkinchi front ancha kech ochilgan edi. Bizning ittifoqchilarimiz bormi o‘zi?”, – deb so‘radi urush faxriysi.
Bunga javoban Putin imperator Aleksandr III ning so‘zlaridan iqtibos keltirdi: “Rossiyaning ikkita ittifoqchisi bor: armiya va harbiy flot”.
“Biz ulkan davlatmiz, shu bois bizdan qo‘rqishadi, – davom etdi so‘zida Rossiya yetakchisi. – Ammo, nima bo‘lganda ham, ma’lum tahdidlar bor. Bular terrorchilik, ksenofobiya, uyushgan jinoyatchilik… Bularga qarshi kurashda bizni qo‘llab-quvvatlaydigan hamkorlarimiz bor, xususan, bu hamkorlik BRIKS, ShHT doirasida amalga oshmoqda”.
Shundan so‘ng to‘g‘ridan-to‘g‘ri efir boshlovchilari Rossiyaning dushmanlari kim ekanligi haqida savol berishdi. Putin Moskva xalqaro jamoatchilikning hech bir vakiliga dushman sifatida qaramasligini, faqat terrorchilik va jinoyatchilikka qarshi turishini ta’kidladi. So‘ng u boshqalarga ham Rossiyani dushman deb bilmasligini tavsif qilishini qo‘shib qo‘ydi.
Ishq Jodusi-soundtreck
Putin Rossiyaga kim do‘st, kim dushman ekanligini ma’lum qildi 
