Qirg‘izistonda unga narxlar davlat tomonidan tartibga solinadi
Qirg‘iziston hukumati unga narxlarni davlat tomonidan tartibga solishni kiritmoqda. Bu chora aholini arzon narxlarda un bilan ta’minlashga qaratilgan.
Bu haqda 26 yanvarda jurnalistlarga Qirg‘iziston tadbirkorlari ittifoqi huzuridagi un-tegirmon qo‘mitasi raisi Botir To‘raboyev ma’lum qildi.
“Qirg‘izistonning iqtisodiyot vazirligi, antimonopol tartibga solish davlat agentligi va un-tegirmon korxonalari o‘rtasida unga narxlarni tartibga solish bo‘yicha kelishuv imzolandi. Kelishuvdan maqsad aholini arzon narxlardagi sifatli bug‘doy uni bilan uzluksiz ta’minlashdan iborat”, deb aytdi To‘raboyev.
To‘raboyevning aytishicha, un tannarxi bug‘doy narxiga bog‘liq bo‘ladi va imzolangan kelishuvlarga ko‘ra ishlab chiqariladigan mahsulotning 70 foizi un kombinatlari joylashgan joylarda ulgurji narxlarda sotilishi kerak. 3-navli bug‘doyni sotib olishga shartnomalar mahalliy ishlab chiqaruvchilar bilan tuziladi, narxlar keskin oshib ketadigan bo‘lsa, narxlarni barqarorlashtirish uchun sayyor yarmarkalar tashkil etiladi.
Ayni vaqtda Qirg‘izistonda 34 ta un-tegirmon kombinati faoliyat yuritadi, ular kuniga 3400 ming tonna un ishlab chiqaradi.
Saroy Javohiri-Soundtreck6
Qirg‘izistonda unga narxlar davlat tomonidan tartibga solinadi 
