Qozog‘iston internet segmentida Jambul viloyati, Masanchi qishlog‘ida sodir bo‘lgan mojarolar videolari tarqaldi. Ushbu hudud qo‘shni Qirg‘iziston chegarasiga yaqin hisoblanadi.

Nur.kz nashrining mahalliy polisiyaga asoslanib xabar qilishicha, ommaviy tartibsizliklar Korday tumanining Masanchi va Karakemer posyolkalarini qamrab olgan. Holatga etnik muammo sabab bo‘lgani va qurbonlar borligi aytilmoqda.

Ayni paytda polisiya voqea sabablarini o‘rganmoqda, rasmiy ma’lumot berilishi ko‘zda tutilgan.

Qozog‘iston prezidenti Qosim-Jo‘mart To‘qaev videobayonot bilan chiqqan.

Unga ko‘ra, mazkur janjaldan provokatorlar foydalanishga urinishgan. Hozirda vaziyat Qozog‘iston milliy gvardiyasi va polisiya nazoratida. Aybdorlar topib jazolanishi va jabrdiydalarga yordam berilishi ko‘zda tutilgan.