Munosiblarni aniqlash hakamlar uchun doim mushkul vazifa hisoblanib kelgan. Ayniqsa eng sara mutaxassislar orasidan zo‘rlarini tanlashdan mushkul vazifa bo‘lmasa kerak. Kuni kecha O‘zbekiston elektron OAV milliy assotsiatsiyasi tomonidan yettinchi marotaba o‘tkazilgan “Ozod yurt to‘lqinlari” an’anaviy media-festivalida hakamlik vazifasi xalqaro tashkilotlarning yurtimizdagi vakolatxonalari vakillari, mamlakatimizdagi diplomatik korpus vakillari, mahalliy va xorijiy tashkilotlar hamda festival tashkilotchilari vakillari bilan bir qatorda yagona o‘zbek estrada yulduzi, O‘zbekistonda xizmat ko‘rsatgan artist Rayhon G‘aniyevga ham yuklatildi. Uchta nominatsiyalan biri bo‘lgan “2014 yil – Sog‘lom bola yili” ga bag‘ishlangan eng yaxshi media-mahsulot” nominatsiyasi g‘oliblarini aniqlashda ishtirok etgan Rayhon festival davomida barchaga xushkayfiyat ulasha oldi. Shuningdek tadbirda boshqa bir qator o‘zbek san’ati vakillari – O‘zbekiston xalq artisti Aziza Begmatova, rejjisyor va aktyor Sohib Abbosxon, aktrisalar Shahzoda Muhammedova, Nargiza Salmonova, Muqaddas Sa’dullayevalar ham ishtirok etishdi.
Rayhon festivalda hakamlik qildi 
