Bir nechta  taronalari bilan muxlislar mehrini qozonib kelayotgan Sevara yangi yilni ijodiy jarayonlar bilan qarshi oldi. U ayni damda Moskvada yangi taronasi uchun videoklip suratga oldirish bilan band. Musiqiy asar nomi "Shunchaki" deb nomlanadi. Ushbu qo‘shiq uchun tasvirga tushirilayotgan klip jarayonlari juda qiziqarli va sarguzashtlarga boy bo‘lmoqda. Xonanda qahraton qish bo‘lishiga qaramay, klipda kutilmagan obrazlarda namoyon bo‘ladi. Muxlislarini lol qoldirish va yaxshi ijod namunasini taqdim etish maqsadida sovuqda sog‘ligidan ham ijodini ustun qo‘ygan xonandaning ushbu klipi tomoshabinlarni qanchalik hayratlantirar ekan? Buni albatta videoklip premerasidan so‘ng bilib olamiz. Ha aytgancha klip rejissyori Dilmurod Karimov. Musiqiy asar muallifi esa Mirziyod Nurmatov.