Estradamizda yulduz juftliklar soni ortib bormoqda. Ammo, ular orasida Sevinch Mo‘minova va Sharof Muqimovning oilasiga ko‘pchilikning havasi keladi. Ular kuylagan duetlar esa muxlislari yuragini zabt etadi. Yaqin kunlarda katta ekranlarga chiqishi kutilayotgan ''So‘nggi kun'' kinokartinasida ularning ikkisi bosh qahramon obrazlarini talqin etganlar.
Mazkur film uchun yaratilgan saundtrek esa "O‘zbegim taronasi" radiosida premera etilgan kuniyoq tinglovchilarning sevimli taronalari qatoridan joy oldi.
Bundan tashqari Sevinch ijodida yangi tarona yaratgani va unga videoklip suratga olinayotgani haqida xabar bergandik. Mana bugun ana shu videomahsulotni tomosha qilish imkoniga egasiz. “Ko‘ylagim” nomli yangi qo‘shiqning so‘zi Gulbahor Mo‘minovaga, musiqa va aranjirovkasi esa Rustam Tulashevga tegishli. Videoklipni taniqli klipmeyker Jasur Shametov suratga oldi. Kichik syujetni o‘z ichiga olgan videoklip Sevinch Mo‘minova ijdida kutilmagan yangilik bo‘ladi, desak mubolag‘a bo‘lmaydi.
Marhamat saytimiz orqali mazkur videoklipni tomosha qiling va baho bering.
Sevinch Mo‘minovadan "Ko‘ylagim" Klip Premerasi 
