Ёқимтой актриса Шаҳзода Муҳаммедовани келинлик либосида тасаввур қилганмисиз? Унда сизга шу имкониятни берамиз. Уни оппоқ, жилвакор ва ҳашаматли келинлик либосидаги суратларини кўриб ажабланаётган бўлишингиз табиий.  Наҳотки ёқимтой актрисамиз турмушга чиққан бўлса? Қачон улгурди экан ва кимга турмушга чиқди дея бетиним саволлар ёмғирида қолган бўлишингиз тайин. Унинг келинлик либосидаги фотосуратлари тез кунларда катта экранга чиқиши кутилаётган янги кинокартинанинг иш жараёнидан тақдим этилмоқда.  

Март ойида кинотеатрларимиз премераларга бой бўлди. Апрел ойида ҳам премераси кутилаётган фильмларнинг саноғи йўқ. Бугунги кунда кинотеатрларга борсангиз турли жанрдаги фильмларни кўришингиз мумкин. Томошабин ўзини диди ва дунёқарашига қараб фильмларни танлаши мумкин. Яқин кунларда катта экранга чиқиши кутилаётган фильмлардан бири "Ёнингдаман” деб номланади. Ёш ва истеъдодли кинорежиссёр Улуғбек Шарметов томонидан суратга олинаётган ушбу фильм тез кунларда катта экран юзини кўради. Фильмнинг сценарий муаллифи  Улуғбек Зуфаров. Мелодрамма жанрида суратга олинаётган бу фильм сюжет жиҳатидан бугунги фильмлардан буткул фарқ қилади. Фильм қаҳрамони хотирасини йўқотган бўлиб, энг яқин инсонларини ҳам унутиб қўяди. Бош қаҳрамонинг касалига  тиббиёт даво тополмайди.  Хаттоки унинг кассаллиги бутун дунё бўйича давоси йўқ кассаллик ҳисобланади. Энг қайғули жиҳати бош қаҳрамоннинг ёши бир жойга бориб қолсада хотираси қайтмайди. Кун келиб бош қаҳрамон ўтмишини эслайдими ёки йўқ буни фильм давомида билиб оласиз. Энг қизиғи кўпинча эркатой, қувноқ ва шўх қизларни акс эттирадиган Шахзода Муҳаммедова бу сафар драматик образда. Фильм режиссёрининг айтишича Шахзоданинг қаҳрамони драматик роль бўлганлиги туфайли у билан илшаш анча қийин кечибди. Шахзодани ғамгин, дардли образда жонлантириш режиссёрга осон кечмабди. Шунингдек фильмда яна  Убайдулла Омон, Шохида Исмоилова, Отабек Мусаев, Азиз Умрзоқов, Гулчеҳра Носирова, Карим Мирҳодиев, Отабек Маҳкамовлар иштирок этишган.  Фильм оператори Умид Маликов. Фильм продюссери Ойбек Зуфаров. Убайдулла Омон ва Шохида Исмоиловаларнинг образлари ва уларнинг ижроси ҳар қандай томошабинни ҳам таъсирлантириши тайин. Буни фильмнинг саунтрейкидан ҳам пайқайсиз. Чунки фильм саунтрейки махзун ва жуда таъсирли. Фильм номи кўпчиликка қизиқ туюлиши мумкин. Нега "Ёнингдаман”?.. Режиссёр бу билан томошабинга нима демоқчи? Албатта бу саволга жавобни фақатгина фильмни кўргач жавоб топасиз. Фильмда муҳаббатга садоқат, ота она ва фарзанд муносабатлари ёрқин чизгилар орқали ёритилган.

       Хуллас, апрел ойининг бошида кутилаётган ушбу янги кинокартина ўз томошабинларини топади ва киномухлислар кўнглидан чуқур жой эгаллайди деган умиддамиз. Фильм ижодкорларига эса омад тилаймиз.