Estradamizda nafaqat ijodi, balki samimiy va kamtar insonligi bilan ham ajralib turuvchi xonanda Shahzoda viloyatlar bo‘ylab gastrol safarlarini davom ettirmoqda.
Bu safar Shahzoda samarqandlik muxlislarini xushnud etdi. Katta stadionga yig‘ilgan yuzlab muxlislar Shahzodaning tashrifidan boshlari osmonga yetdi. Bu esa ularning nigohlarida yaqqol aks etdi.
Sog‘ingan muxlislari uchun Shahzoda tomonidan bir qator xit qo‘shiqlar yangrab, barcha taronalarga yig‘ilganlar jo‘r bo‘lishdi. Muxlislar orasidan bu konsert uchun Shahzodaga minnatdorchiligini izhor qilgan mehmonlar ham bo‘ldi.
Ularning har biri sevimli ijodkorlari bilan shaxsan suhbatlashish va suratga tushish imkoniyatiga ega bo‘lishdi.
Shahzodaning bizga ma’lum qilishcha, bundan mehmondo‘stlikdan o‘zi shodlanib, yana bu azim Samarqand shahriga tashrif buyurishni diliga tugib qo‘ygan ekan.
Shahzodaning keyingi gastrol safari Navoiy shahrida bo‘lib, bu yerdagi "So‘g‘diyona" o‘yingohida katta konsert dasturi taqdim etiladi. Bu konsert dasturi ham anshlag tarzda muvaffaqiyatli o‘tishiga ishonamiz!
Dengiz hukumdori - Offical soundtreck
Shahzoda Samarqandda Yakkaxon Konsert Taqdim Etdi 
