2012 yil 1 maydan buyon Shahzoda Toshkentning eng ko'rkam
saroylaridan bo'lmish "Istiqlol" san'at saroyida o'z yakkaxon konsert
dasturini taqdim etmoqda. 7 mayga qadar taqdim etiladigan mazkur konsert
dasturida Shahzoda o'z muxlislarini xushnud etadi. Shahzoda bizni ham o'z
konsertiga taklif etdi va bugun ushbu konsert haqida to'xtalib o'tamiz.
5 may kuni Tarona.net portali ijodiy jamoasi ham Shahzodaning yakkaxon konsert dasturiga tashrif buyurdi va darhaqiqat yuqori darajada, ko'tarinki kayfiyatda o'tgan konsert dasturi bizda ham iliq taasurotlar qoldirdi. E'tirof etish joiz bo'lgan jihatlardan biri bu konsert zalni liq to'lganligidir. Bu kabi to'liq zal bugungi kunda ko'p konsert dasturlarda uchratish qiyin. Konsertga qadar bo'lgan tayyorgarlik ham shundoq sezilib turibdi. Konsert uchun qandaydir daxshatli dekoratsiya qurilmagan bo'lsada, ijodiy tayyorgarlik yuqori darajada bo'lganligi ko'rinib turibdi.
Dasturning avvalida Shahzoda o'zining ilk imiji bo'lmish sharqona malika qiyofasida namoyon bo'ldi. Avval ma'yusroq ohangdagi taronalari bilan konsertni boshlab olingan bo'lsa, so'ngra raqsbop qo'shiqlar ijro etildi. Ayniqsa, 2006 yilda haqiqiy hit darajasiga yetgan "Faqat sen", "Kechalar" kabi taronalar jarang sochgan paytda butun zal larzaga keldi. "Tilayman" taronasi ham juda yaxshi kutib olindi. Bir qator qo'shiqlar jonli ravishda ijro etilganligi ham e'tiborga molik. Tashkillashtirilgan raqslarni raqqos va raqqosalar maromiga yetkazib ijro etishdi. Bu ham tomoshabinlarning olqishlariga sazovor bo'lgan jihatlardan biri. Konsert davomida barchaning kayfiyati birdek a'lo darajada edi. Bunday holat har bir konsert da ham kuzatilavermaydi. Chunki, zerikarli konsert dasturlari ham tez-tez bo'lib turishi sir emas.
Konsertga tushish imkoniga ega bo'lmagan muxlislarga esa konsertni ozgina bo'lsada his etishlari uchun konsertdan eksklyuziv bir fotolavhani taqdim etamiz.
Hayot Sinovlari - Gulim
Shahzodaning kutilgandanda a'lo konserti! 
