Estradamizda o‘ziga xos yo‘nalishdagi taronalari va kliplari, balki kamtarligi bilan ham ajralib turuvchi Shohruhxon ijodidagi navbatdagi kutilmgan syujetdagi klipni taqdim etdi.
Klipda Shohruhxonning aktyorlik mahoratiga yana bir bor tan berishingiz aniq. Jamshid Xojiniyozov g‘oyasi asosida tasvirga olingan video syujeti hayotiyligi bilan ham tomoshabin e’tiborini torta oladi.
Bugungi kunda deyarli har birimiz XXI asrning davr talabi - “internet” bilan ish yuritamiz. Ijtimoiy tarmoqlar esa hayotimiz mazmuniga aylangan. Afsuski, hamma ham ijtimoiy tarmoqlardan foydalanish qoidalariga rioya etmayapdi.
O‘z ism-sharifi bilan o‘zgalar suratini joylashtirganlar haqida ko‘p eshitganmiz. Shohruhxon esa bir qizning ana shunday tuzog‘iga ilindi. Bundan tashqari, soxta va tashqi go‘zallik asiriga aylandi.
Voqealar rivoji esa qiziqarli tasvirlar ila namoyon bo‘ladi.
Yodgor Nosirov tomonidan suratga olingan videoklipda achchiq bo‘lsa-da, hayot haqiqatlari tasvirlangan. Bosh rolda Shohruhxonning o‘zi.
Bir necha kunlik tasvirga olish ishlari poytaxtimizning bir necha maskanlarida olib borildi.
Malakali ijodkorlarning mehnati samarasiga hoziroq baho berishingiz mumkin.
Ishq Jodusi-soundtreck
Shohruhxon soxta “Qo‘g‘irchoq” asiriga aylandimi? 
