Shohruhxoning yangi albom taqdimoti bilan muborakbod etamiz
Shou-biznes vakillari o‘zlarining yangi albom taqdimotlarini shahrimizdagi Discovery disklar do‘konlarida o‘tkazishlari an’anaga aylandi, desak adashmaymiz. Bugun ana shu maskanda estradamizning eng yoqimtoy va romantik xonandasi Shohruhxonning navbatdagi yangi albomi taqdimoti bo‘lib o‘tdi. Taqdimotda asosan ommaviy axborot vositalari hodimlari va xonandaning asl muxlislari tashrif buyurishdi.
Yaqindagina o‘zining katta konsert dasturini namoyish etgan ijodkorning yangi qo‘shiqlari to‘plami albom sifatida muxlislariga tuhfa etilganini ma’lum qilish maqsadida tashkillashtirilgan mazkur taqdimotda jurnalistlar ham qatnashib o‘zlarini qiziqtirgan savollar bilan murojaat qildilar.
Ma’lumot o‘rnida aytib o‘tishimiz lozim, albomdan 26 ta qo‘shiq, undan tashqari yakkaxon konsertda har bir bloklar orasida namoyish etilgan ta’sirchan monologlar ham joy olgan. Mazkur monologlar muallifi Yolqin To‘ychiev.
Taqdimot davomida savollar og‘ushida qolgan Shohruhxondan, konsertdan keyingi ta’ssurotlari, bu yilgi dasturdan ilhomlangan holda kelgusi yil yana nima yangiliklar kiritishi haqida so‘rashdi.
“Men seni sevaman” nomli romantik kechaga barcha muxlislarini chorlagan xonanda sahnaga qadam qo‘yganidan boshlab, har bir qo‘shig‘ini ijrosi davomida uni muxlislariga yetkazib berishi bilan birga o‘z mehri va minnatdorchiligini ko‘zlari bilan izhor etgani, bu orada qattiq hayajon to zalni tark etguniga qadar uning ichida vulqondek tug‘yon qilganini aytib o‘tdi.
Muxlislari uchun munosib tuhfa bo‘lgan yangi albom taqdimoti bilan Shohruxxonni muborakbod etamiz!
Taqdir O'yini-Va Bank
Shohruhxoning yangi albom taqdimoti bilan muborakbod etamiz 
