17 сентябр куни Швеция қироли Карл Густав XVI аэропортга кетаётган вақтида автоҳалокатга учради. Бу ҳақда Вести.ру нашри хабар беради.
Стокгольм шаҳридан Брумма аэропортига кетиш чоғида юз берган автоҳалокат шаҳардаги таъмирлаш ишлари олиб борилаётган Нокебюбрун кўпригида содир бўлган. Одатда Карл Густав XVI автомобилни ўзи бошқаради. Аммо бу сафар у машинанинг орқа ўриндиғида ўтирган бўлган. Машиналарнинг тўқнашувида Карл Густав XVI жароҳат олмаган, аммо шок ҳолатига тушган. Шундай бўлса-да у ўз сафарини автомобил ортидан келаётган қўриқчи машиналарининг бирида давом эттирган.
Муваффақиятли равишда аэропортга етиб олган қирол Карл Густав XVI Вестерботтенга сут маҳсулотлари ишлаб чиқариладиган заводнинг очилишида иштирок этиш учун учиб кетган.
Швеция қироли автоҳалокатга учради 
