Siluanov Rossiya dollardan voz kechishi mumkinligini aytdi
Rossiya iqtisodiyotining neft va gaz daromadlariga bog‘liqligining 20-30 foizga tushishi mamlakatga dollardan voz kechishga imkon yaratib berishi mumkin. Bu haqda Rossiya moliya vaziri Anton Siluanov Sankt-Peterburg davlat universitetida so‘zlagan ma’ruzasida ma’lum qildi.
“Biz dollarning katta qismini eksport hisobiga olamiz, ayniqsa bu xomashyo eksportiga taalluqli, shu bois dollarga kuchli bog‘lanib qolganmiz. Qachon dollardan qutulishimiz mumkin? Ichki iqtisodiyotimiz rivojlanganda, ichki investorlarimiz ko‘payganda, neft va gaz daromadi byudjet daromadlarining 20-30 foizini tashkil qilganda. Hozir bu ko‘rsatkich 50 foizga teng. Shunda byudjetimiz dollardan voz kecha oladi, lekin bu faqat byudjet bo‘ladi”, – uning so‘zlarini keltiradi RIA Novosti agentligi.
Shuningdek, Siluanov rubl kursining o‘zgaruvchanligi ortda qolganligini ta’kidlab o‘tdi.
Siluanov Rossiya dollardan voz kechishi mumkinligini aytdi 
