Joriy yilda O‘zbekistonda sirtqi shaklga qabul jarayonlari 15 iyul kuni to‘xtatilishi mumkin. Bu haqda huquqshunos va bloger Xushnudbek Xudoyberganov ma’lum qildi.

«Olingan ma’lumotlarga ko‘ra, sirtqi shaklga qabul jarayonlari xuddi kunduzgi kabi, 15 iyul kuni to‘xtatilar ekan. Abiturientlarga shunga qarab reja qilishlarini tavsiya etaman.

Aslida Vazirlar Mahkamasining 393-sonli qaroriga ko‘ra, sirtqiga qabul 1 iyuldan 30 iyulgacha davom etishi kerak edi. Ammo joriy yilda ushbu muddat teng yarmiga qisqartirilishi mumkinligi haqida ishonchli gap-so‘zlar yuribdi. Hukumat qarori nima bo‘ladi?»,-deb yozadi bloger.