«Бугун иккинчи йиғилишда суд кредиторларнинг корхонани банкрот деб топиш ва уни бир йил ичида тугатиш ҳақидаги илтимосномасини қаноатлантирди», деб ёзади агентлик.
Хабарларга қараганда, тугатиш иши доирасида кредиторлар корхонанинг бирорта нарсасини олишга ҳаққилари йўқ. Чунки дастурий таъминотсиз "Ўздунробита"га тегишли бўлган барча станциялар бир уюм темир холос.
Аввал хабар берганмиздек, Тошкент шаҳар хўжалик суди жорий йилнинг 18 январь куни "Ўздунробита"нинг молиявий мажбуриятларни қондира олмаслиги юзасидан берган банкротлик тўғрисидаги аризасини қабул қилган. Компанияда кузатув ишлари олиб борилди ва вақтинчалик бошқарув тайинланди. Шу йилнинг 11 мартида бўлиб ўтган биринчи мажлисда суд кредиторларнинг корхонани банкрот деб эълон қилиш ва тугатиш ҳақидаги расмий илтимосини қанотлантирмаган ҳамда кузатув жараёнини шу йилнинг 22 апрелига қадар узайтирган эди.
Биласиз, 2012 йилнинг сентябрь-ноябрь ойларида "Ўздунробита" ХК МЧЖнинг бир неча ходимларига молиявий найрангларни содир этгани учун жарима солинган ва шартли жазо берилганди. Суд қарорига кўра, компания активлари давлат тасарруфига ўтиши лозим эди. Бироқ, аппелацион суд охирги қарорни бекор қилди ва алоқа операторига нисбатан 600 миллион АҚШ долларлик жарима миқдорини белгилади. Бу маблағ 8 ой ичида тўланиши лозим эди. Лекин корхона ушбу жаримани тўлашга қодир эмаслигини маълум қилиб, ўзини банкрот деб эълон қилиш ҳақиад судга мурожаат қилган.
Эслатиб ўтамиз, ўтган йилнинг июль ойида Ўзбекистон Республикаси Алоқа, ахборотлаштириш ва телекоммуникациялар технологиялари қўмитаси (аввалги Ўзбекистон алоқа ва ахборотлаштириш агентлиги) бир қатор қонун талабларини бажармагани учун "Ўздунробита” ХКнинг фаолиятини тўхтатган ва кейинчалик лицензиясини бутунлай тугатган эди.
Gulperi - Soundtreck music (Turk serial)
Суд "МТС Ўзбекистон"ни банкрот деб топди 
