Avval xabar berganmizdek, bugun, 23 fevral kuni Tojikistonda ketma-ket 6 marta zilzila sodir bo‘lgandi. Ma’lum qilinishicha, zilzila kuchi O‘zbekistonning bir necha viloyatlarida ham sezilgan. Bu haqda O‘zbekiston FVV Seysmoprognostik monitoring Respublika markazi xabar berdi.

Qayd etilishicha, Toshkent vaqti bilan soat 05:43 da Tojikistonda yuz bergan zilzila epimarkazi Toshkentdan 435 km janubiy-g‘arbda joylashgan.

O‘zbekiston Respublikasi hududida zilzilaning sezilish kuchi quyidagicha:

Farg‘ona viloyatida – 4 ball, 227 km;
Andijon viloyatida – 4 ball, 256 km;
Namangan viloyatida – 4 ball, 294 km;
Sirdaryo viloyatida – 3-4 ball, 413 km;
Toshkent shahrida – 3-4 ball, 435 km;
Jizzax viloyatida – 3-4 ball, 467 km;
Surxondaryo viloyatida – 3 ball, 509 km;
Samarqand viloyatida – 3 ball, 523 km;
Qashqadaryo viloyatida – 3 ball, 614 km;
Navoiy viloyatida – 3 ball, 666 km;
Buxoro viloyatida – 3 ball, 739 km.