Toshkent metrosida "Hamza" va "Habib Abdullaev" bekatlarining nomi o‘zgardi
Toshkent shahrida yashovchilar 15 iyun kuni shahar metrosidan foydalanish vaqtida vagonlarga osilgan metro xaritalarida ikki bekat nomi o‘zgarganiga guvoh bo‘lishgan.
Xaritada "Hamza" so‘zi o‘rniga "Novza", "Habib Abdullaev" so‘zi o‘rnida esa "Shahriston" so‘zlari paydo bo‘lgan. O‘z navbatida metrolarning bekatlaridagi devorlarga bitilgan "Hamza" va "Habib Abdullaev" nomlari olib tashlanmagani hamda metro suxandoni bu bekatlarni avvalgi nomlari bilan e’lon qilayotgani aytilgan.
Kun.uz sayti shu masala xususida Toshkent metropoliteniga murojaat qildi va qo‘shimcha ma’lumotlar oldi.
O‘zini Baxtiyor aka deb tanishtirgan va tashkilotda bosh muhandis hisoblanuvchi xodim Toshkent shahri hokimining buyrug‘iga binoan shunday o‘zgarish amalga oshirilgani haqida ma’lum qildi.
Ayni vaqtda Toshkent metropoliteni matbuot xizmatiga bu ma’lumotni rasman tasdiqlashi so‘ralib, xat jo‘natilgan va javob kutilmoqda.
Bola Uyda yolg'iz-[Один Дома] soundtreck2
Toshkent metrosida "Hamza" va "Habib Abdullaev" bekatlarining nomi o‘zgardi 
