Айни кунларда самарали ижод қилиб, мухлислари эътиборига янгидан-янги тароналарни тақдим этиб келаётган ёшларнинг севимли гуруҳи "Уммон” гастроль сафарларига чиқиш арафасида.

Куни кеча Бухоро вилоятида "Камолот” ЁИҲнинг 13 йиллигига бағишлаб ташкил этилган гала-концерт дастурида "Уммон” гуруҳи йигитлари иштирок этишди. Гуруҳ хонандаларининг маълум қилишича, эндиликда барча вилоятларда концерт дастурларини тақдим этиш учун май ойи давомида бутун республика бўйлаб гастроль сафарларини амалга оширишади.

Шунингдек, мухлисларига яқин кунларда яна бир янги таронани тақдим этиш ниятида. Баҳорий кайфият гуруҳ йигитларига яхшигина таъсир қилган кўринади. Улар бу гал севги-муҳаббатни тараннум этувчи сокин ва мазмунли қўшиқни ҳозирлашган. Демак, тез кунларда биринчилар қаторида сайтимиз орқали мазкур қўшиқни тинглаш имкониятига эга бўласиз.