“Ummon” guruhi: “Oila qurganimizdan so`ng muxlislarimiz kamaydi”
“Ummon” guruhi “Darakchi” gazetasiga bergan intervyusida ko`plab qiziqarli savollarga javob berdi.
Guruhdagi Shohruh va Jasur oila qurganidan so`ng bu holat ularning ijodiy faoliyatiga va reytingiga qanday ta`sir ko`rsatgani haqidagi savolga ular quyidagicha javob berdi:
Jasur: — Tan olish kerak, cho`chish hammada bo`ladi. Tabiiyki, bizlarni ham bunday hayol chetlab o`tgani yo`q. Chunki o`zingiz aytganingizdek, muxlislarimizning aksariyatini qizlar tashkil etishadi. Va albatta, uylanish muxlislarning kamayishiga ta`sir etmasdan qolmaydi. Ammo ish bilan bo`lib oila, shaxsiy hayotni ham unutib qo`yish kerak emas. Muxlislarning munosabatiga kelsak, ular bizning ijodimizga shinavandalik qilishlarini istardik.
Shohruh: — Yashirin uylanib, keyin hammaga xuddi bo`ydoqdek ko`rinib yurish bizga to`g`ri kelmaydi. Bu juda noto`g`ri. Tinglovchilarmiz bizni borimizcha qabul qilishlarini istaymiz.
Zohid: — Hayotimizni yaxshi kunini barchaga e`lon qilib, yaqinlarimiz bilan birgalikda nishonlash kabi yoqimli narsani yashirish noto`g`ri. Ashaddiy muxlislarimiz bizning hayotimizdagi bunday yaxshi yangiliklardan xuddi o`zimizdek xursand bo`lishadi, deb o`ylayman.
“Ummon” guruhi: “Oila qurganimizdan so`ng muxlislarimiz kamaydi” 
