Xorazm viloyati ma’muriy markazi Urganch shahrida Lacetti avtomobili yonib ketdi. Hodisa videoyozuvi Facebook ijtimoiy tarmog‘idagi “Voditeli Tashkenta” guruhida e’lon qilingan, deb xabar bermoqda Kun.uz.
Voqea qachon, Urganchning aynan qayerida, qanday holatda sodir bo‘lgani ma’lum emas. Taxminlarga ko‘ra, avtomobil chorrahada Spark avtomobili bilan to‘qnashib ketgan va shundan so‘ng chiqqan alanga yong‘inga aylanib ketgan.
Videoyozuvda bir guruh haydovchilar chorraha o‘rtasida yonayotgan Lacetti’ning old qismiga yopishib turgan Spark’ni olovdan saqlab qolishga harakat qilayotganini, Spark nisbatan uzoqlashtirilganidan so‘ng uning orqa g‘ildiragi yonayotganini ko‘rish mumkin.
Ushbu holat bo‘yicha mahalliy nashrlar va rasmiy manbalarda axborot berilmagan.
Dengiz hukumdori - Offical soundtreck
Urganch markazida Lacetti yonib ketdi 
