Bir tasavvur qilib ko‘ring yorug‘, toza va shinam uyda yashash qanchalar yaxshi. Agar xonadoningiz shular jumlasida bo‘lsa, unda chaqirilmagan mehmonlarning kirib kelishidan oldin, bu uynining sarishtaligi uchun sizga uzog‘i 15 daqiqa vaqt kifoya qiladi. Axir momolarimiz bejiz aytishmagan: “Yig‘ishtiriladigan joylar emas, balki saranjomlikni ushlab turadigan joylar tozadir!” Ko‘p vaqtingizni olmaydigan 9 maslahatimizni hayotingizda tatbiq etsangiz, siz uchun “yig‘ishtirish” so‘zi ancha oddiy va maroqli bo‘lib eshitiladi. Choyshablarni yig‘ishtirish
Erta tongda asosiy ishlardan biri choyshablarni yig‘ishtirish. Aksariyat psixologlarning aytishicha, aynan shu choyshablarning saranjomligi, mehnat kunining boshlanishi haqida miyaga signal beradi. Hamda yotoqxona va mehmonxonalarning hamma joylarini tartibga keltiradi. Shunday ekan erinchoqlikni chetga surib, joyingizdan turgan zahoti choyshablarni taxlab, ehtiyotkorlik bilan yostiqlarni joylang. Ana endi natijasi bilan zavqlanishingiz mumkin! Ertalabdan oshxona rakovinasining bo‘shligi.
Ko‘pchilikka bu hol tanish. Ertalab turganingizda rakovinaning yuviqsiz idishlar bilan to‘laligi. Bunday vaziyatda hatto nonushta qilgingiz ham kelmaydi. U bu narsa tayyorlashni-ku aytmasa ham bo‘ladi. Ertalab sizni toza va quruq rakovina qarshi olishi uchun idishlarni kechki payt yuvishga odatlaning. Kir yuvish va dazmol
Bu ikkisi ham uyning saranjomligida muhim sanaladi. Agar biri kir kiyimlar savatida va yana shunchasi quriganlar qatorida tursa, unda hayotingizda tozalik rejalari haqida gap bo‘lishi mumkin emas. Sizga kichik maslahatimiz: agar siz dazmol qilishni xush ko‘rmasangiz, unda shunchaki bu ishga kirishmang. Avval yoqtirgan kinongizni yoqing-da, yoqimlini foydali bilan uyg‘unlashtiring. Kir yuvishni esa bir tartibda, ya’ni haftada 2 marotaba yuvishni odat qilib oling. Har bir mayda-chuyda narsaning joyi darkor
Uydagi har bir jihoz, mayda-chuyda moslamalarning ham o‘z joyi bo‘lsin. Ularni hech qachon hozircha turib tursin, deb biror joyga shunchaki qo‘yib qo‘ymang. Shuningdek uyingizda savat va qutilarning ko‘p bo‘lishi, sarishtalikning uzoq hukm surishiga olib keladi. Bugungi ishni ertaga qoldirmang!
Prokrastinatsiya- so‘zi nimani anglatishini bilasizmi? Bu odamlarda nafaqat oddiy, hatto muhim va shoshilinch ishlarni keyinga qoldirishga moyillik paydo bo‘lishi. Buning oqibatida esa ular hayotiy muammolarga va ayrim psixologik kasalliklarga duchor bo‘ilishi mumkin. Shubhasiz, bu narsa sizga tanish.Hoziroq o‘ylanmasdan bu mushkul ahvolingizga nuqta qo‘ying, shunda yashashingiz yanayam osonlashadi. Kiyimlarni taxlang!
Og‘ir ish kunidan keyin hamma narsadan o‘laroq kamroq qilishni istaydigan ishingiz bu ko‘ylak yoki shimingizni sinchkovlik bilan javonga osib qo‘yish. Bu hayotiy zaruratlardan biri hisoblanadi. Aks holda ana shu kiyimlarni xonaning burchaklaridan yig‘ib, qaytadan dazmollab joy joyiga taxlashchalik mushkul ish bo‘lmasa kerak. O‘z vaqtida yuving!
Agar oshxonani tungacha yig‘ishtirishni istamasangiz, ovqat pishirib bo‘lgandan keyin gaz plitasini idishlar bilan baravar yuvish kerakligi hech kimga sir emas. Yoki bo‘lmasa ko‘zguga qaraganingizda, undagi ko‘rib qolgan dog‘ni darrov artib qo‘yishni unutmang. Yig‘ishtirishmaslik uchun bahonalar o‘ylab topish esa, ortiqcha narsadir. Oshxona tozalanmagunicha uxlagani yotmang!
Oltin qoida. Oshxona- qornimizni to‘ydirishga va bizni isitishga moyil bo‘lgan joydir. Boshqa joylarga nisbatan biz bu yerdan o‘zimizga kuch yig‘amiz. Ertalab yig‘ishtirilmagan oshxonaga kirganimizda, o‘zimizni parchalanganday his etishimiz ajablanarli holat emas. Bu hidlar, dog‘lar va kirlarni esa o‘sha kunning o‘zida yig‘ishtirib olish osonroq. Rejalashtiring!
Shunda mavhumlik sizni cho‘chitmaydi. Siz, qachon va nima qilishni, keyin nimalar qilib bo‘lganingizni aniq ko‘ra olasiz. Uy yig‘ishtirish esa sizga bitmas-tuganmas ishday tuyulmaydi.
Efir Sirlari - Soundtrack 4
Uyim har doim toza tursin, desangiz... 
