Shu kungacha keng jamoatchilikning e’tirozlariga sabab bo‘lib kelayotgan yana bir muammo bartaraf etildi.

Gap shundaki, yo‘l-patrul xodimlarining pana joyda turib yo‘llardagi qoidabuzarliklarni kuzatishlari nafaqat haydovchilar, balki piyodalar tomonidan ham tanqid etib kelinardi. Chunki to‘satdan ko‘chada paydo bo‘ladigan ichki ishlar xodimi qoidabuzar haydovchinigina emas, boshqalarni ham esankiratib qo‘yar, bu esa tahlikali vaziyatlarni keltirib chiqarishi ham ehtimoldan xoli emasdi.

Shu bois Toshkent shahar Ichki ishlar Bosh boshqarmasi boshlig‘ining topshirig‘iga asosan endilikda YPX inspektorlariga daraxtlar va boshqa to‘siqlar orqasida turib yashirincha xizmat olib borish qat’iyan taqiqlandi.

Firdavs BEK