Vashingtonda «O‘zbek kinosi haftaligi» bo‘lib o‘tadi
«O‘zbekkino» Milliy agentligi, O‘zbekiston Respublikasining AQShdagi elchixonasi va Jorj Vashington nomidagi universitet hamkorligida 22-28 sentabr kunlari AQShning Vashington shahrida «O‘zbek kinosi haftaligi» bo‘lib o‘tadi. Bu haqda «O‘zbekkino» MA matbuot xizmati xabar berdi.
Kinohaftalik davomida o‘zbek kinematografiyasi oltin fondidan o‘rin olgan «Toshkent – non shahri» (rejissyor Shuhrat Abbosov), shuningdek, «O‘zbekkino» Milliy agentligi buyurtmasiga asosan turli yillarda suratga olingan «Dilxiroj» (Yusuf Roziqov), «Parizod» (Ayub Shahobiddinov), «Osmondagi bolalar» (Zulfiqor Musoqov), «Ota» (Abduxalil Mignorov) filmlari namoyish etiladi.
Mazkur madaniy tadbir doirasida «O‘zbekkino» mas’ullari hamda Shuhrat Abbosov va Ayub Shahobiddinov kabi o‘zbekistonlik taniqli kinoijodkorlardan iborat O‘zbekiston delegatsiyasi AQShda bo‘ladi.
«O‘zbek kinosi haftaligi»da namoyish etiladigan barcha filmlar ingliz tilidagi subtitrlar bilan o‘zbek tilida tomoshabinlar e’tiboriga havola etiladi.
Namoyishlar jadvali bilan quyida tanishishingiz mumkin:
22 sentabr, 18:30* — «Toshkent – non shahri» (1968 y.)
23 sentabr, 18:30 — «Parizod» (2012 y.)
24 sentabr, 18:30 — «Dilxiroj» (2000 y.)
25 sentabr, 17:30 — «Osmondagi bolalar» (2002 y.)
28 sentabr, 18:30 — «Ota» (2014 y.)
* - namoyishlar Vashington vaqti bilan ko‘rsatilgan.
Ko'sem - Beautiful (Turk serial)
Vashingtonda «O‘zbek kinosi haftaligi» bo‘lib o‘tadi 
