Vin Dizel «Forsaj-7» suratga olish jarayoni hayotidagi eng og‘iri bo‘lganini ta’kidladi
«Forsaj» filmlari bosh rol ijrochisi va prodyuseri Vin Dizel yaqinda jahon kino ekranlariga chiqqan «Forsaj-7» filmi va yaqin do‘sti aktyor Pol Uokerning o‘limi haqida o‘z firklarini bildirib o‘tdi.
«Bu hayotimdagi eng og‘ir suratga olish jarayoni bo‘ldi. Xuddi Pol yonimizda turgandek. U hamon biz bilandek tasavvur uyg‘onadi. Men maktabni bitirib kinoda rol o‘ynay boshlaganimda ham bunday holatga tushmagandim», deya Dizelning so‘zlaridan iqtibos keltiradi «7 dney» nashri.
Uzoq tanaffusdan keyin suratga olish jarayoni qayta boshlangach, Vin Dizel qahramoni Jeyson Stethem boshqarayotgan avtomobilni quvib o‘tishi kera bo‘lgan sahna juda ko‘p marotaba qayta suratga olingan. Chunki suratga olish paytida Vin Dizel ko‘z yoshlarini tiya olmagandi.
«Qanaqadir dahshat. Meni qahramonimga umuman mos kelmayotgan kayfiyatda edim. Axir u juda yaxshi kayfiyatda bo‘lishi lozim edi... Shu yili butun umrim davomida to‘kkan ko‘z yoshlarimdan ko‘proq yig‘ladim...», deya vaziyatni izohlagan Dizel.
Eslatib o‘tamiz, filmni suratga olish jarayoni 2013 yilda aktyor Pol Uokerning vafot etishi sababli to‘xtab qolgandi. Oxir-oqibat film ijodkorlari ushbu kartinani oxirigacha suratga olishga qaror qilishgan va bunda Uokerning akasi xizmatlaridan foydalanilgandi.
Vin Dizel «Forsaj-7» suratga olish jarayoni hayotidagi eng og‘iri bo‘lganini ta’kidladi 
