Ўзбекистонда қорга
айланадиган ёмғир кутилмоқда.
Тунги соатларда термометр 3-5
даража совуқни, кундузи эса 4-6 даража илиқни кўрсатди.
Ўтган дам олиш кунлари ҳарорат кўтарила бошлади ва кечаси нол даража, кундузи
эса +7 +9 даража атрофида бўлди.
Ўзгидромет бош синоптиги Ирина Зайцеванинг OLAM.uz таҳририятига
берган маълумотига кўра, 26 ва 27 ноябрь кунлари республика бўйлаб қуруқ
об-ҳаво сақланиб туради. Кечаси ҳарорат 0 атрофида бўлса, кундузи +10 +12
даражани кўрсатади. Ҳафта ўртасида, яъни 28 ва 29 ноябрь кунлари Ўзбекистон
ҳудудига жанубдан нам булутли массивлар кириб келади. Бир пайтнинг ўзида
Волгабўйи ҳудудларидан совуқ ҳаво оқими келади.
Ўзбекистон бўйлаб ҳамма жойда ёмғир ёғади, баъзи жойларда ёмғир қорга айланади.
Шамол сониясига 15-20 метргача кучаяди.
29 ноябрга келиб ҳаво ҳарорати яна тушиб кетади: кечаси 0 – 5 совуқ, кундузи +3
+5 илиқ атрофида бўлади.
Охирги кунларда республика бўйлаб қуруқ ҳаво бўлиши кутилмоқда. Ҳарорат кечаси
0 – 5 даража совуқ, кундузи +3 +8 даража илиқ атрофида бўлади.