Xitoyning sharqidagi Anxoy viloyatida 3-5 yanvar kunlari ro‘y bergan kuchli qor yog‘ishi tufayli o‘n uch kishi halok bo‘ldi, deb xabar bermoqda Sinxua agentligi.

Xitoyning beshta viloyatida ro‘y bergan kuchli qor yog‘ishi tufayli hokimiyat organlari 200 nafar mahalliy aholi vakillarini evakuatsiya qilishga majbur bo‘lgan, yana 100 nafari tezkor yordamga muhtoj. Tabiiy ofat natijasida 200 ta inshoot buzilgan va 400 tasi zararlangan. Qishloq xo‘jaligiga ham jiddiy ziyon yetkazilgan. Ushbu tabiiy ofat tufayli mamlakat iqtisodiyotiga yetkazilgan zararning umumiy miqdori hokimiyat organlari tomonidan 500 million yuandan ortiqqa baholanmoqda.

Bu tabiiy ofat tufayli temir yo‘l va avtomobil transporti harakatida buzilishlar yuzaga kelgan.

Obil Safarov