Rayhon ijodi hamisha qiziq. Undan yangiliklari borasida so‘rganimizda, to‘yga hozirlik ko‘rayotganini aytdi. U yana turmushga chiqayaptimi degan xayolga aslo bora ko‘rmang! Bu uning sevimli va bir dona singlisi Nasibaning baxt to‘yi! Xonanda jigarbandi uchun syurpriz tayyorlayotganini alohida ta’kidladi! Bu qanday shov-shuv ekanligini sanoqli kunlardan keyin o‘tajak baxt oqshomidan keyin bilib olamiz!
***
Taniqli telejurnalist Dilshoda Matchanova bir necha soatlar oldin savol berdi: “Shahzoda tinchmi? Avtohalokatga uchrabdimi?”. Oradan oz fursat o‘tmay, Qozog‘istonning Chimkent shahridan qo‘ng‘iroq qilishdi. Xuddi shu savol qozoq tilida yangradi. “Telegram”im ham tinmadi... Shahzoda bilan bog‘lanmasak bo‘lmaydi chog‘i. Savollarga aniq javobni faqat uning o‘zidan olish mumkin-da! Xonanda javob yozdi: “Hammasi OK! Xudoga shukur!”. So‘ngra yuqorida ko‘rib turganingiz – tabassumi zohir suratini yubordi. Nazdimda, xavotir olayotgan yo shunchaki qiziqqanlarga yetarli javob bo‘ldi deb hisoblaymiz. Oradan oz fursat o‘tib, Shahzoda “instagram”dagi sahifasiga do‘stlari davrasida tushgan suratni ham mish-mishlarga nuqta qo‘yish maqsadida joylab qo‘ydi. Ana shunaqa gaplar!
***
Nilufar Usmonova so‘nggi kunlarda jim bo‘lib qoldi. Bu sukunat sababini esa bugungi yangiligi bilan osongina tushuntirib qo‘ydi! Uning yangi albomiga hozirlik ko‘rgani ma’lum bo‘ldi. 4-avgust “Dunyo” dunyo yuzini ko‘radi! Kichik primadonna ijodiga muxlismisiz? Uning yangi qo‘shiqlarini kutganmidingiz? Unda bu yangi albom aynan siz uchun musiqiy sovg‘a!
Ko'ngil bog'i-soundtreck
3 Yulduzdan 3 xil Shov-shuv! 
