Xitoyning Fuszyan viloyatida shu yil 26 dekabr kuni to'y marosimining o'zida kuyov bo'lmish kelin bo'lmishni sharmanda qildi. Gap shundaki, bu ikki yosh ikki yildan beri bir-birlarini sevishardi. Yaqindagina kuyov qallig'ining qo'lini so'radi va u to'yga rozilik bildirdi. To'y boshlandi. O'rtakash mehmonlarga hozir kuyov va kelinning bolalikdagi holati namoyish etilishini e'lon qildi. Ammo buning o'rniga ekranda kelin bo'lmishning begona erkak bilan ishrat lavhasi namoyish etildi. Ma'lum bo'lishicha, bu rolikni atayin kuyov bo'lmishning o'zi shaxsan uyushtiribdi. Qallig'i bilan ishqiy sarguzashtga berilgan erkak aslida kelinning pochchasi ekan. Bu rolikni esa kuyov qallig'i yashaydigan uy ichkarisidagi kuzatuv kamerasi xotirasidan topibdi va atayin to'y kuni sharmanda qilishni ko'ngliga tugibdi.

— Sen bundan meni bexabar deb o'ylaganmiding? — baland ovozda so'radi kuyov kelindan.

Kelin esa alamiga chiday olmay qo'lidagi guldastani uning yuziga otdi. Keyinroq kelin bo'lmish xiyonatga kuyov uni bir necha marta kaltaklagani sababli qo'l urganini aytib berdi. Turmush qurishga rozi bo'lganining asosiy sababi esa kuyov to'ydan keyin unga alohida kvartira va avtomobil hadya etishni va'da qilgan ekan.

Astag'firillo!!!