Ijtimoiy tarmoqlarda kelin turmush o'rtog'ini o'ldirgani haqida xabarlar tarqaldi. Ko'pchilik kelin jazmani bilan birga desa, yana boshqalar jiyani bilan o'ldirgan deb aytmoqda.

XATB «Universal Bank» Toshkent filiali kartalar bo'limi boshlig'i lavozimida ishlab kelgan fuqaro o'z yotoqxonasida bo'g'ib o'ldirilgan. U yigirma olti yoshda edi. Ma'lum bo'lishicha, uning turmush o'rtog'iga nisbatan qo'pol muomalasi va u bilan ajrashmoqchi ekanligi yigirma uch yoshli yangi kelinni o'z eridan qasd olishga undagan. Kelin jiyani bilan kelishgan holda turmush o'rtog'ini o'ldirish rejasini tuzadi. Unga ko'ra, jiyan shifokorlar niqobida kechki payt uyga kirib yashiringan va yarim tunda hech narsadan xabarsiz o'z yotog'ida uxlayotgan pochchasini dazmolning shnuri bilan bo'g'ib o'ldirgan. Jiyanining ketishi oldidan kelin unga uydagi ikkita «IPHONE» va bitta «SAMSUNG» rusumli telefon, bir qancha tilla taqinchoqlar hamda 650 AQSh dollarini berib yuboradi.

Tongga yaqin kelin shovqin solib, tunda ikki bosqinchi uyiga kirgani, uni qattiq urib hushidan ketkizishgani, u behush yotganida turmush o'rtog'ini o'ldirib, qimmatbaho buyumlarini olib ketishganini aytib dodlay boshlaydi.

Qotillik haqida 2019 yil 5 oktyabr kuni taxminan soat 04:30 larda Shayxontohur tumani IIO FMB NQga xabar berilgan.

Olib borilgan tezkor-qidiruv ishlari natijasida mazkur qotillikni marhumning turmush o'rtog'i, ya'ni yangi kelin va jiyani til biriktirgan holda amalga oshirganligi aniqlandi.

Shayxontohur tumani IIO FMB