Таниқли актёр Алишер Узоқов 2013 йил 16 сентябр куни
"Радио Гранд"нинг меҳмони бўлди. "Файзли оқшом" дастурида
иштирок этган Узоқов мухлислар ва бошловчи Иброҳим Аҳмедовнинг саволларига
жавоб берар экан, энди кинода бошқа роль ижро этмаслигини маълум қилди.
Бошловчининг "мухлислар нега Алишер киноларда кўринмай
қолди, деб қизиқишяпти", деган саволига умидли актёр "Кўп чиқсам ҳам,
кам кўринсам ҳам гапиришади. Лекин энди мен кинода роль ижро этмоқчи эмасман,
бошқа ишлар билан шуғулланишни мақсад қилганман", деб жавоб берди.
Алишернинг айтишича, ҳамма актёрнинг тақдири ҳар хил, кимдир бир умр кинода
суратга тушса, бошқасига бор-йўғи бир-икки йил ижод қилиш насиб этади. Бироқ, у
айнан нима сабабдан актёрликни тарк этмоқчи эканини очиқ гапирмади.
Алишер Узоқов нафақат кинодаги роллари, балки режиссёрлик ишлари билан ҳам
машҳур. Айнан у суратга олган "Энди дадам бўйдоқ" картинаси M&TVA-2012да
"Йилнинг энг яхши фильми" номинациясида бош мукофотни қўлга
киритган.
Алишер Узоқов 1984 йил, 25 августда Тошкентда, санъаткорлар оиласида
туғилган. Муҳаммаджон ва Шоҳида Узоқовларнинг фарзанди.
Manba:darakchi.uz
Pazanda - The Sound of Love
Алишер Узоқов актёрликни тарк этишини маълум қилди 
barcha muxlislaringiz tomonidan iltimos kinodan bosh tortmang iltimoss
